A
A
A
ازاى ممكن الشاى بعد الأكل يسبب أنيميا وفقر دم؟
ازاي ممكن شرب الشاي بعد الاكل يسببلك انيميا وفقر دم ؟
احيانا بتلاقي شخص سليم جسمانيا وممكن ضخم ويروح يحلل يلاقي عنده انيميا وفقر دم والي من اهم اسباب الموضوع دا سوء امتصاص الجسم للحديد الموجود في الاكل ومن اعراض الانيميا
-الشعور بالتعب، والإرهاق الشديد، والضعف.
-برودة اليدين، والقدمين.
- صعوبة في التركيز.
- الصداع، والدوخة، وشحوب الجلد.
- عدم انتظام نبضات القلب.
طب ازاي الشاي ممكن يأثر في حاجة زي كدا؟
- من اهم اضرار الشاي هي صعوبة امتصاص الحديد الموجود في الاكل لو شربته مع الاكل او بعده.
- الشاي فيه كميه كبيرة من مجموعة من المركبات تعرف باسم التانينات (Tannins) ودي بترتبط مع الحديد الموجود في بعض المصادر الغذائية، و بيمنع امتصاصه في الجهاز الهضمي.
- الدراسات اثبتت ان التانينات الموجودة في الشاي بتقلل امتصاص الحديد الجاي من المصادر النباتيه اكتر من الحيوانيه ودا طبعا شائع عندنا استخدام اكتر للاكل النباتي من فول وعدس وقمح وغير طبعا لو انت نباتي فا انت جايلك فقر دم مفيش كلام.
-الشاي له فوايد كتير من مضادات اكسدة وغيرو عاوز تستمتع بالشاي وفي نفس الوقت تبعد عن اضراره يبقي تبعد الشاي عن الوجبات الغذائية او تخليه بين الوجبات ومن واحد الي 3 كوب شاي كفايه اوي يوميا.
