محتارة تعملي غدا إيه النهاردة !.. جربي طاجن الكفتة والباذنجان من غادة التلي

في أوقات كتير محتارين هنعمل إيه على الغدا وبنكون عايزين نعمل حاجة جديدة وطعمها يكون حلو وفي نفس الوقت مشبعة، علشان كده food today جهزت لكم وصفة وأكلة جديدة من الشيف "غادة التلي" وهي طاجن الكفتة والباذنجان.

قدمت الشيف "غادة التلي" في برنامجها زعفران وفانيليا على قناة سي بي سي سفرة طريقة عمل طاجن الكفتة والباذنجان.


المكونات:
- 2/1 كيلو لحم مفروم.
- بصل شرائح.
- ثوم شرائح.
- طماطم مبشورة.
- 3 ملعقة كبيرة صلصة.
- باذنجان مكعبات مقلي.
- بطاطس مكعبات مقلية.
- 2 ملعقة كبيرة سمنة.
- فلفل حار.
- دبس رمان.
- ملح وفلفل أسود.
- بهارات.


طريقة عمل طاجن الكفتة والباذنجان:
- ضعي للحمة المفرومة ملح وفلفل و(اعمليها) على شكل أقراص، وفي طاسة ضعي سمنة ثم ضيفي شرائح البصل وقلبيهم قليلاً.
- ثم ضعي فلفل الحار (حسب الرغبة)، ثم ضيفي الصلصة والطماطم المبشورة والقليل من الملح والفلفل الأسود والبهارات.
- وقلبي المكونات معاً ثم ضيفي القليل من الماء، ثم ضعيهم في صينية الفرن وضعي عليها البطاطس والباذنجان المكعبات في المنتصف وقلبيهم قليلاً مع الصوص.
- وفي أطراف الصينية ضعي  أقراص الكفتة، وغطيها قليلاً وادخليها الفرن على درجة حرارة 200-220 درجة مئوية لمدة 20 دقيقة.
وبس كده.. بالهنا والشفا.