لو جوزك طلب منك أكلة خفيفة في نص الليل.. خبز فرنساوي مشكل في الفرن هتنقذك

دايماً نحتاج لوجبات خفيفة ناكلها كوجبة أو حاجات ناكلها بين الوجبات، وتكون خفيفة وشهية ولذيذة وفيها اكتر من عنصر والأطفال يحبوها والكبار وفي نفس الوقت سهلة ومتاخدش مننا وقت، علشان كده food today قدمت لكم وصفة خفيفة ولذيذة وهي خبز فرنساوي مشكل في الفرن على طريقة الشيف "نورا السادات".

فقد قدمت الشيف "نورا السادات" في برنامجها عمايل إيديا على قناة سي بي سي سفرة طريقة عمل خبز فرنساوي مشكل في الفرن.

المكونات:
- خبز فرنساوي.
- بيبيروني.
- صلصة بيتزا.
- هوت دوج مسلوق.
- تركي مكعبات.
- طماطم مجففة.
- جبنة شيدر أحمر مبشورة.
- جبنة موتزاريلا.
- زبدة.
- بيستو صوص.
- طماطم شرائح.

طريقة عمل خبز فرنساوي مشكل في الفرن:
- قطعي الهوت دوج وضعيه في طاسة على النار مع القليل من الزبدة (علشان نشوحه) وقلبيه قليلاً، ثم في بولة أو إناء ضعي الهوت دوج.

- قومي بتقطيع الخبز الفرنساوي الى شرائح، ثم ضعي عليه البيستو صوص (ادهنيه)، وعلى شريحة أخرى ضعي صلصة البيتزا.

- وعلى البيستو شرائح الطماطم ومكعبات التركي، وعلى الخبز المدهون صلصة البيتزا شرائح البيبيروني والطماطم المجففة ثم ضعي الهوت دوج على شرائح الخبز، ثم ضعي الجبن المشكل وادخليه الفرن قليلاً حتى تذوب الجبنة.
وبس كده.. بالهنا والشفا.