عمرك كلت مربى كمكوات قبل كده؟ جربها بطريقة صحية مع نورهان قنديل

فاكهة الكمكوات تشبه البرتقال في الشكل، ولكنها صغيرة الحجم، دكتورة نورهان قنديل قدمت الطريقة الصحية لعمل مربى كمكوات، ونشرت فيديو يوضح طريقة عملها، وكتبت دكتورة نورهان على صفحتها الطريقة والمكونات.
وقالت الدكتورة نورهان: "دى أول مرة في حياتي اعمل مربى وكان عندي إصرار غير عادي اني أجربها بسكر ستيفيا مع عسل النحل.. و طعمها طلع yum، ممكن تجربوا نفس الطريقة مع البرتقال العادي أكيد هيطلع لذيذ".
المقادير:
-١/٢ كيلو كمكوات (البرتقال الياباني)
-2 معلقة كبيرة سكر ستيفيا 
-(قرفة، حبهان، زعفران، رشة بسيطة شطة)
-جنزبيل طازة
-ليمونة 
-4 معالق كبار عسل نحل (طبعا لو بتحبوا المربى مسكرة اكتر فتقدروا تزودوا العسل بس بعد لما تبرد) اهم حاجة بلاش المربى الجاهزة اللى مليانة كميات كبيرة من السكر ده.
أهم فوايد الكمكوات:
غنية جدا بفيتامين A, C ، والكاروتين المهم لصحة العيون، كما تحتوى على نسبة عالية من فيتامين ج، وهو من العناصر الغذائية المهمة لتحسين صحة الأوعية الدموية، والغضاريف المختلفة في الجسم، وتسريع تعافي الجروح.
ده غير أن كلها مضادات أكسدة مهمة جدا لمحاربة السرطان.