عايزة أكلة لذيذة وخفيفة للفطار والعشا.. كرات البطاطس والجبنة من غادة التلي

بما أن المدارس بدأت فنحتاج لأكلات جديدة ونجدد في اللانش بوكس علشان الأطفال يحبوها وحتى الكبار في الجامعات والشغل، علشان كده food today جهزت لكم وصفة وطريقة جديدة ولطيفة ولذيذة وهي كرات البطاطس بالجبن على طريقة الشيف "غادة التلي".

قدمت الشيف "غادة التلي" في برنامجها زعفران وفانيلا على قناة سي بي سي سفرة طريقة عمل كرات البطاطس بالجبنة.


المكونات:
- 2/1 كيلو بطاطس مسلوقة ومهروسة.
- ملح.
- فلفل أسود.
- 2/1 ملعقة صغيرة بودرة بصل.
للحشو:
- 2/1 كوب جبن شيدر.
- 2/1 كوب جبن موتزاريلا.
- بيض.
- بقسماط.
- زيت للقلي.
للتقديم:
- مايونيز.
- كاتشب.


طريقة عمل كرات البطاطس بالجبنة:
- احضري بولة أو إناء وضعي البطاطس المهروسة والقليل من الملح والفلفل الأسود والقليل من بودرة البصل (اختياري) وقلبيهم معاً.
- خذي قطعة من البطاطس وكوريها على شكل كور وافتحيها من النصف وضعي بداخلها الجبنة أو يمكنك فردها ووضع الجبنة عليها وغلقها وتكوريها.
- في طبق صغير ضعي البيض ورشة ملح وفلفل، احضري البقسماط أو لجعلها مقرمشة أكثر ضعي بانكو أو التوست (قطعي الأطراف والتوست نفسه ضعيه في الخلاط واخلطيه.
- ضعي كور البطاطس في البيض وقلبيها ثم ضعيها في البقسماط وغطيها ثم ضعي في الزيت أو في الفريزر لحين وقت الإستعمال، وقلبيها وعندما يصبح لونها ذهبي أخرجيها من الزيت.
وبس كده.. بالهنا والشفا.