A
A
A
طريقة جديدة لساندوتش الراب.. "راب السمك" على طريقة الشيف هشام السيد
كلنا متعودين أو عارفين الساندويتش الراب أو الساندوتش الملفوف انه بيكون راب دجاج أو ممكن يكون راب لحمة لكن قليل ما سمعنا عن راب السمك!! .
الشيف هشام السيد متخصص في أكلات السمك، والنهاردة food today بتقدم لكم وصفة من مطبخ الشيف هشام السيد وهي راب السمك بالخضار.
قدم الشيف "هشام السيد" في برنامجه شبكة وصنارة على قناة سي بي سي سفرة طريقة جديدة لساندوتش الراب وهو "راب السمك بالخضار".
المكونات:
- سمك فيليه.
- زيت.
- كمون.
- ثوم بودرة.
- ملح.
- فلفل.
- خبز تورتيلا.
- عصير ليمون.
- بشر ليمون.
- مايونيز.
- كرنب مفروم.
- بصل أخضر مفروم.
- ثوم مفروم.
- شرائح أفوكادو.
طريقة عمل راب السمك بالخضار
- سخني طاسة بها زيت، احضري بولة وضعي فيها الليمون والثوم وبشر الليمون وكمون وبودرة بصل والقليل من الزيت وقلبيهم جيداً.
- قطعي سمك الفيليه بالطول وضعيهم في البولة (علشان يتتبل) وقلبيهم في التتبيلة جيداً حتى يمتص السمك التتبيلة ثم ضعيه في الزيت وقلبيه للناحية الأخرى حتى ينضج وضعي عليه ملح.
- احضري خبز التورتيلا وضعي عليه المايونيز والقليل من البصل الأخضر المفروم وضعي الأفوكادو وعليه القليل من الكرنب الأحمر أو الأصفر يمكنك إضافة المزيد من المايونيز (حسب الرغبة).
- ثم ضعي السمك على خبز التورتيلا واغلقيه (لفيه رول)، ثم ضعيه في الزيت على ناحية (الحتة اللي فيها الفاتحة علشان يقرمش وينشف فيفضل مقفول)، اقلبيه الناحية الأخرى حتى ينضج.
- احضري طبق وضعي فيه القليل من الأفوكادو والبصل الأخضر والقليل من الكرنب المفروم، ثم اخرجي الساندوتش من الزيت وضعيه في الطبق واقطعيه الى نصفين (حسب الرغبة).
وبس كدة.. بالهنا والشفا.
