برجر اقتصادي ولذيذ في المنزل.. من نجلاء الشرشابي أطفالك هيعشقوه

 
كثير منا يعشق البرجر وخصوصاً الأطفال ويطلبونه كثيرا من الخارج وأوقات كثيرة لايعلمون مصدره وهل صحي ولا لأ، علشان كده قولنا ليه منعملهوش في البيت بطريقة صحية وأمان أكثر وبطريقة كمان جديدة بالبطاطس وفي نفس الوقت يكون اقتصادي وغير مكلف، احضرت لكم food today طريقة جديدة للبرجر وهو برجر بالبطاطس واللحمة على طريقة الشيف "نجلاء الشرشابي".

قدمت الشيف "نجلاء الشرشابي" في برنامجها على قد الأيد على قناة سي بي سي سفرة طريقة عمل برجر بالبطاطس واللحمة.


المكونات:
- 2/1 كيلو لحمة مفرومة.
- بطاطس مسلوقة.
- 2/1 كوب دقيق.
- 2/1 كوب بقسماط.
- بيضة.
- بصل مبشور.
- ملعقة صغيرة بيكنج بودر.
- قرفة ناعمة.
- زنجبيل بودرة.
- بابريكا.
- ثوم بودرة.
للتقديم:
- خبز كايزر.
- حلقات طماطم.
- حلقات بصل.


طريقة عمل برجر بالبطاطس واللحمة:
- في إناء أو بولة ضعي البطاطس المسلوقة واللحمة المفرومة والبصل والقليل من البقسماط الناعم والدقيق.
- وضيفي ثوم بودر وبصل بودرة وبابريكا والقليل من القرفة وملعقة كبيرة بيكنج بودر وملح وفلفل أسود واعجنيهم معاً جميعاً.
- ثم ضيفي بيضة واحدة واعجنيهم كلهم معاً، ثم قومي بأخذ قطعة من اللحم وكوريها وكرري هذه الخطوة مع باقي اللحمة.
- خذي قطعة اللحمة المكورة وضعيها في كيس ولفيها وافرديها على شكل قرص وضعيها في صينية مدهونة بالزيت.
- كرري هذه الخطوة مع باقي اللحمة وضعيها في الصينية، ثم ادهنيهم بالزيت وضعيهم في الفرن.
- احضري الكايزر وضعي الصوص (اللي عايزاه) سواء كاتشب أو مايونيز أو مستردة ثم شريحة طماطم وضعي قطعة البرجر ويمككنك إضافة الإضافات التي تريديها.
وبس كده.. بالهنا والشفا.