الكبدة الإسكندراني عندنا مش زي حد تاني "اعرفي ازاي تحضريها"

قدم الشيف "الشربيني" طريقة عمل الكبدة الإسكندراني في المنزل، حيث أنها تعد من الوجبات التي تحتوي على فوائد غذائية، فضلًا عن المذاق الشهي التي تتمع به، وتختلف طريقة تحضير الكبدة من مكان إلي أخر، حيث أنها تنتشر في جميع مطابخ العالم، إلا أن ما يميزها هو الكيفية التي يتم تنفيذها بها، ويقدم لكم "فود توداي" مكونات عمل الكبدة، وكيفية التحضير بسهولة ويسر.


مكونات عمل الكبدة الإسكندراني

- كيلو كبدة شرائح
- راس ثوم (حسب الرغبة)
- نص كوباية خل.
- فلفل رومي.
- فلفل حامي اخضر (حسب الرغبة).
- فلفل حامي احمر (حسب رغبة).
- زيت زيتون.
- زيت عادي.
- عيش بلدي او شامي.
- ملح.
- فلفل اسود.
- كمون.
- كزبرة ناشفة.

طريقة عمل الكبدة الإسكندراني

- تقطيع كيلو الكبدة إلي شرايح مكعبات حسب الرغبة.
- بعدين نجيب طاسة نسخنها كويس، وننزل فيها ملعقة زيت زيتون وملعقة زيت عادي.
- بعدين ننزل الكبدة تتشوح، ونرش عليها رشة ملح وفلفل اسود لحد ما تاخد لون وبعد كدة نشيلها.
- ننزل الفلفل ونشوحه وبعدين نرجع الكبدة عليه، ثم نرش رشة من ملح وفلفل اسود.
- نجيب طاسة نحط فيها ملعقة زيت عادي على ملعقة زيت زيتون، وننزل بالثوم المهروس في الهون، مع ملعقة كبيرة ملح ونص ملعقة صغيرة كمون، ونص ملعقة صغيرة كسبرة ناشفة.
- نحط نص الطشة علي كبدة، والنص التاني نشيله على جنب
نقطع العيش البلدي مكعبات ونحط زيت زيتون بسيط وبعد كده نحط الكبدة وبالهنا والشفا.