في اليوم العالمي للمرأة... ماما دهب أشهر من جروبي في وسط البلد.. 25 سنة ولسه مكملة الضحكة والسندوتش

محل صغير لا يتسع سوى فرد واحد رغم الكركبة التي ستشاهدها داخله ولكن هناك شخص واحد يعرف مكان كل شيء هناك، مطعم ماما دهب أشهر أم في وسط البلد وأشهر سندوتشات كبدة وبانيه وبطاطس، رغم أنها مجرد سندوتشات متواضعة لا تجد عليها لا كاتشب ولا طحينة ولا اي اضافات سوى سندوتش صريح مباشر ولكن القعدة أمام ماما دهب بالدنيا، يكفي انك ستستمع لنصائح التي تسمعها من أمك وستتناول سندوتشات بطعم البيتي، ماما دهب أو منال سيدة استطاعت أن تصنع لنفسها مكانة وأصبح اسمها اشهر اسم في وسط البلد.

الأكلة حلوة والقعدة أحلى..
لو مجربتش الأكل من ايد ماما دهب، فانت مكلتش أكل بيتي».. دا الكلام اللي هتسمعه من أي حد بيقدر الأورينتال، وبيعز الأكلة الحلوة، لو بتحب البطاطس المحمرة، والكفته البانية بالردة، اللي هتحس انك بتاكلها من ايد مامتك، يبقى لازم تجرب ماما دهب.
وقالت ماما دهب لـ"Food today" كان نفسي أكون مذيعة، وبالفعل في عهد الرئيس عبدالفتاح السيسي، قدمت 10 حلقات في مبادرة حياة كريمة، وحققت نجاح كبير، وفي مشروع إعلامي تاني في الطريق.

20 سنة ولسه مكملة..

وتقول منال غريب: بدأت مشروعى فى منطقة وسط البلد منذ 20 عاما بعد تخرجى من كلية التجارة جامعة حلوان وعدم توفيقى فى الحصول على فرصة عمل لذلك اتجهت للعمل الحر وقمت بإدارة المحل بمساعدة والدتى التى توفيت منذ أشهر قليلة ومنذ أول لحظة بدأت فيها أعمل واتخذت على نفسى عهدا أسير عليه حتى اليوم وهو عدم استغلال المترديين على المحل لتناول الطعام، والحفاظ عليهم، خاصة وأن هذه النوعية من الأطعمة تستهدف الشباب، ونتيجة لذلك أحرص على وضع قائمة أسعار مناسبة للجميع، فأسعار الساندويتشات لا تتجاوز مبلغ الـ5 جنيهات وهو مبلغ زهيد مقارنة بأسعار الأطعمة فى الماكن الأخرى المتواجدة فى نفس المحيط الذى أعمل به.

وأكدت ماما دهب: بحب شغلي قوي، وولادي اللي بيجوا يشتروا مني، الشباب اللي زي القمر، وفي ناس بتجيلي من الجزائر وتونس والكويت.

وعن طريقة الطهي قالت: "بعمل الحاجة شبه ني في ني علشان خاطر الأكل يبقى هيلثي، وشوية توابل، وياسلام بقى لو تعزم اصحابك، الأكل حلو مع اللمة".

ماما دهب