«الإجابات صادمة!»..food today تسأل مدمني القهوة كيف يقضون نهار رمضان؟

لم يكذب من قال "القهوة مزاج"، وأن مزاج القهوة له ضريبه تدفع في رمضان، ويصبح الصيام صعب، ووفقًا لدراسة حديثة نشرت في المجلة  العلمية "نيو إنغلاند"، أنه يمكن لمدمني القهوة استهلاك ما يقرب من 3 إلى 5 أكواب في اليوم، وهذا يقلل مخاطر الإصابة بعدد من الأمراض المزمنة، ولكن أغلب مدمني القهوة يعيشون أزمة حقيقية خصوصًا في نهار رمضان، ويصبح مدفع الأفطار هي غاية ينتظروها، كل يوم على مدار الشهر الكريم.

 قامت foodtoday، بسؤال مدمني القهوة كيف يقضون نهار رمضان؟!

مافيش انتاج ولا تركيز!

تبدأ بثينة مدمنة القهوة حديثها قائلة: "أنا بفطر على القهوة، وبشربها بنهم وشوق حقيقي، لاني بفضل طول نهار رمضان مصدعة ومافيش أي طاقة للشغل والكلام ولا احتكاك بالناس، وطبعا الشغل بيكون صعب ومفهوش أي انتاج، ولا تركيز".

مديري يتجنب التعامل معي فى نهار رمضان؟
أما هاني السيد، فيصل بيه الأمر بالعزلة عن الناس، لانه يصبح سريع الغصب، ويتجنب المقربين منه التعامل معه، لأنهم يعلمون مدى عشقه للقهوة ويكون سريع الغضب وفاقد للتركيز عندما لا يبدأ يومه بفنجان قهوة، حتى مديره المباشر فى العمل لا يقربه فى نهار رمضان مؤكدا: مش ببالغ لو قولت أني بشيل هم الصيام عن القهوة، وبكره التعامل مع الناس، ومن الطريف أن ربنا رزقني في الشغل بمدير من مدمني القهوة يعنى حالة كحالي، هو فاهم كويس نقص الكافيين ممكن يعمل أيه في الأنسان، ولهذا يتجنب مديري الاحتكاك نهائي معايا، عشان نفضل شغاليين سوا، ولو في أي تعقيب على الشغل بيكلمني بعد الفطار.

مشاكل زوجية بسبب القهوة
مشاركة الأشياء الممتعة، أمر جميل بين الزوجين، ولكن عندما يتعلق الأمر بشرب القهوة يصبح نهار رمضان قنبلة موقوتة يمكن ان تشعل البيت فى اى لحظة، هذا هو الحال في بيت حياة، فتقول: أنا وجوزي من محبي القهوة ويمكن من مدمنيها، فنحن من الناس اللي يومهم مش بيبدأ إلا لما نفوق بشرب أكواب القهوة، في أول الزواج كانت بتحصل كوارث بنا وبعد الفطار بنتعجب أحنا ليه اتعصبنا على المواقف التافهة دي، وليه مش عارفين نتحمل بعض، ومع الوقت فهمنا وبقينا نعرف نستوعب بعض شوايا، ونتجنب المناقشات والكلام.

التوقف عن العمل
وهناك الكثير من الناس ينعزلون تمامًا عن البشر فى نهار رمضان، وحتى بعد موعد الأفطار، هذا ما يفعله حاتم مؤكداً: " الناس بتفتكرني ببالغ، لما بيلاقوني مش عايز غير قهوة بعد الفطار، الموضوع صعب بالنسبالي، لدرجة أنني غيرت مواعيد شغلي عشان أعرف أتعامل مع الناس".



الغضب والصداع  بسبب نقص الكافيين

 مدمنو القهوة