بـ 100 جنيه أو بـ 50 جنيه.. تعيش حياتك سواء فطار أو غداء في هذا المكان

الناس اللي بتدور على قعدات الروف، إحساس جميل إنك تشرب شاي بلبن بعد الفطار وتقف في الفراندة قصاد View مفتوح وفيه مساحة كبيرة، تقدر تشوف الدنيا كلها من الأعلى

الفطار بـ 50جنيه في أعلى نقطة في مدينة نصر، والكيدز اريا بـ 30 جنيه، المطعم ده مش أكل وبس.

المطعم فيه كيدز اريا للأطفال، وكمان العاب للكبار زي الطاولة والدومينو، يعني هتقعد تاكل وتشرب وتلعب والاطفال كمان يلعبوا وينبسطوا.

والميزة بقي ان الفراندة مقسومة نصين، جزء Openair  بسقف، ويوجد جزء آخر على نفس الفيو لكنه مغلق بزجاج للاستمتاع بالمنظر من غير ما تشعر بالبرودة
الفطار هناك شعور آخر، تقعد تدفئ في الشمس والفطار يبقى فول، وبيض اومليت، وجبنة بالطماطم، وبطاطس مع المشروب الرسمي للروقان "شاي بلبن" او ممكن تطلب شاي، او قهوة تركي بـ 50 جنيه فقط.

وعلى فكرة في اختيارات تانية كتير ب 50 جنيه مناسبة لأي وقت في اليوم زي وجبة البرجر مع البطاطس المحمرة، او باستا بنا ارابياتا او جريك سالاد.

وكمان بيقدم المطعم اختراع جديد، عبارة عن بيتزا بالدوريتوس ب 65 جنيه.

أو ممكن تطلب براونز مع القهوة بـ 50 جنيه، والـ Cheese cake عندهم ب 45 جنيه.

من مميزات المطعم إنك ممكن تدفع 25 جنيه وتضيف البوبا على أي حاجة.

المكان مناسب جدا لأعياد الميلاد وممكن يتحجز للخطوبة او كتب كتاب او أي مناسبة سعيدة

وتضاف على الاسعار 12٪ خدمة.
عنوان المطعم 
20 أحمد قاسم جوده متفرع من عباس العقاد بمدينة نصر

أشهي الأكلات من مطعم فراندة

جزء Openair من مطعم فراندة

أفضل المطاعم بمدينة نصر