A
A
A
طريقة عمل الباوند كيك
الباوند كيك او كيك الزبده الاصليه احلا كيكه في الدنيا ريحتها زبده علي فانيليا كدا ومقرمشه مكرمله ومسكره من بره هشه وبتدوب في البوق
مقادير عمل الباوند كيك
- كوبين ونصف دقيق
- خمس بيضات كبيرة الحجم او سته متوسطه الحجم
- كوب ونص زبده
- كوب ونص سكر
- ست معالق كبار من الحليب او حوالي ٨٠ مللي
- معلقه كبيره بيكنج بودر
- فانيليا
- رشة ملح
- كل المكونات في حرارة الغرفه طبعا
طريقه عمل الباوند كيك
- نضرب الزبده بالمصري لحد ما لونها يفتح وننزل بالسكر لحد ما يدوب مع الزبده من تأثير الضرب
- وبعدين ننزل بالبيض واحده واحده مع استمرار الضرب وننزل الفانيليا والحليب ونضرب كويس جدا وفى النهايه ننزل الدقيق مع البيكنج باودر ورشة الملح.
- نقلب الخليط من تحت لفوق لحد ما يتجانس ونصبه في صينيه مدهونه بالزبدة مقاس 26
- تدخل فرن مسخن مسبقا علي درجه حراره 160 لمده ساعه كامله
- بتخرج مقرمشه كم بره وعامله طبقه مسكره كدا لونها بني مكرمل خطييييره طريه من جوه وبتدوب في البوق وريحته زبده علي فانيليا حاجه كدا عظمه علي عظمه وبالهنا والشفا
ملحوظات
- هتنزيلي الزبدة كتيره يا شيف هقولك مناعارف اومال اسمها كيكة زبده لية
- هتقولي ساعه كتير في الفرن هقولك منا عارفة وعاوزها تستوي علي نار هااااديه براحتها عشان توصل النتيجه معايا انها طريه من جوه ومقرمشه علي خفيف من بره
