عمرو أديب عن أزمة السكر «ليه أي كمية بتنزل السوق بتتبلع ومابيبانلهاش تأثير»

قال الإعلامي عمرو أديب، إنه يملك توجه معروف حول أزمة السكر والأسعار الأخيرة، «ليه أي كمية بتنزل السوق بتتباع  ومابيبانلهاش تأثير.. وما بتكلمش على 50 أو 27 جنيه بتكلم على التوفر».

عمرو أديب عن أزمة نقصان السكر: «ليه أي كمية بتنزل السوق بتتبلع ومابيبانلهاش تأثير»

وأضاف خلال تقديم برنامج الحكاية المذاع على قناة «إم بي سي مصر»: «أنا مش من مدرسة الضمير ولا مدرسة بلاش نضر البلد أنا من مدرسة الحقيقة».

واستكمل "أديب" حديثه: «أنا مش مع فكرة تقليل السكر في الشاي أو أن السكر مضر بالصحة، ولا مقولة انتوا شعب بتضروا بلدكم.. إحنا عايزين حل للأزمة دي"، مواصلًا: "طوابير السكر والسلع دي مشاهد كانت من 70 سنة في فيلم ثرثرة على النيل».

عمرو أديب عن أزمة السكر: «الحروب مأثرتش في الناس كده»

وقال أديب: «لا تقدر توقف حد بيهرب سكر أو بيخزن سكر أو اللي يبيع السكر بـ50 جنيهًا، لأنه مفيش شرطة سكر في أي بلد، أو تسعيرة جبرية في أي مكان».

وأضاف في سياق متصل: "فشلت تمامًا في فهم موضوع ارتفاع الأسعار خلال الفترة الأخيرة، ولم أجد شماعات عن أسباب الارتفاع في الأسواق"، كما أوضح: "أسعار السلع غير طبيعية، علب اللبن أرقامها غير طبيعية، والزيادة غير طبيعية".

فيما اتنقد أديب الارتفاع الأخير للأسعار: "لو فيه حد بيعمل حاجة من تحت لتحت للدولة دي مش هيبقى كدة.. ده الحروب مأثرتش في الناس كدة؟".