رد فعل الأجانب لما جربوا الأكل العربي.. اتصدموا من الكبدة والفول

في تحدي غير أي تحدي، قناة شخابير، قررت إنها  تقدم فطور عربي لمجموعة من الأجانب علشان تشوف رد فعلهم على الأكل العربي، وهل تقبلوا الطعم ولا لأ.

استضافت قناة شخابير 5 أجانب من دول مختلفة، وقررت إنها تدخل معاهم في تحدي الأكل العربي، وتشوف هقولوا إيه على الأكلات اللي هتتقدم لهم، وبدأ التحدي بالشكشوكة.

رد فعل الأجانب على الشكشوكة

ردود فعل مختلفة على الشكشوكة لكن كلها في المجمل كانت بتقول قد ايه الناس دي مبهورة بإن ممكن من البيض يطلع الطعم اللذيذ دا، وطلبوا الوصفة وقالوا أنهم مداقوش في حياتهم بيض بالشكل دا.

الفول يكسب

أما التحدي التاني فكان سندوتش الفول المصري الأصيل، واللي اتنقل للدول العربية كلها، واحتل مكانة عندهم على سفرة الإفطار، ووصفه الأجانب بأنه فاصوليا عربي، وطلبوا الوصفة برده، وكانوا مبهورين قد ايه الطعم لذيذ.

الكبدة في الصدارة

أما الكبدة بقى فكان له قصة تانية، كلهم كانوا مستغربين من شكلها في البداية، ولكن بعد ما داقوها انبهروا بالطعم اللي قالوا أنهم عمروهم ما جربوه رغم أنهم بياكلوا كبدة، وقالوا إن كبدة الأغنام أفضل كبدة كلوها في حياتهم.