لو كنت بتحب أنواع الكفتة.. كفتة البطاطس خفيفة ولذيذة من الشيف شربيني

كفتة البطاطس من الأكلات الخفيفة واللذيذة واللي الأطفال هيحبوها ويطلبوها منك كتير، لكن بعض الأمهات مبتعرفش طريقة عملها، علشان كده food today جهزت لكم وصفة جديدة لعمل كفتة البطاطس المقلية على طريقة الشيف "الشربيني".
 قدم الشيف "الشربيني" في برنامجه الشيف على قناة سي بي سي سفرة طريقة عمل كفتة البطاطس المقلية.

المكونات:

- بطاطس مسلوقة.
- دقيق.
- بيض.
- بقسماط.
- لحمة مفرومة.
- بصل.
- ثوم.
- ملح.
- كركم.
- كزبرة جافة.
- فلفل أسود.
- زيت للقلي.
للتقديم:
- كاتشاب.
- مايونيز.
- مستردة.

طريقة عمل كفتة بطاطس مقلية:

- في طاسة على النار بها زيت ضعي البصل والثوم وقلبيهم قليلاً، ثم ضعي الكركم والكزبرة الجافة.
- ضعي اللحمة المفرومة (علشان تتعصج) وقلبي جميع المكونات جيداً، ثم ضيفي القليل من البقسماط وقلبيهم.
- ضيفي القليل من الكزبرة الخضرا والماء وقلبيهم معاً.
- ضعي البطاطس المسلوقة في وعاء واهرسيها جيداً، خذي قطعة من الكفتة وافرديها وضعي فيها اللحمة المفرومة واغلقيها، ضعي عليها الدقيق من جميع النواحي واغلقيها.
- اغمسيها في البقسماط ثم قطعيها الى قطع متساوية لتكون صوابع كفتة، و قومي بقليها في الزيت حتى يحمر لونها.
لعمل الدريسنج:
- ضعي الكاتشب والمايونيز والمستردة واقلبيهم جميعهم معاً.
وبس كده.. بالهنا والشفا.