فطير مشلتت من ايد «أم عبده».. هتاكل صوابعك وراه

فطير ام عبده ملوش زي، يعني لو بتفكر تدوق الفطير مع العسل والجبنة، أو عندك عروسة وسألت عن أحسن حد بيعمل الناس هتدلك على طريق أم عبده.
وقالت "أم عبده" لـ "Food Today"بعمل فطير بلدي متعلماه من والدتي، وجوزي موظف ففكرت في عمل فطير وجلست في الشارع، علشان ازود دخلي، وشغاله في الموضوع دا بقالي 3 سنين، وزبايني من كل مكان، وفي ناس بتحجز للعرايس.
وقالت إن الفطير بتاع العرايس ممكن يكون بالـ 100 فطيرة، وزبايني بيجوا ورايا في أي مكان، وكنت أول واحدة افتح فطير وبعد كدا الناس فتحت جنبي، وقالت إن سر العجينة في "الِعرق والتريح قبل الفرد".