إذا كنت تبحث عن طريقة جديدة ومبتكرة لعمل الفتة، جرب طريقة الشيف مي ماهر التي جمعت بين اثنين من الأكلات الشعبية اللذيذة، "الفتة، والكبدة الإسكندراني"، ونشرت فيديو على إنستجرام يوضح الطريقة بالتفصيل.
المكونات :
كيلو كبدة شرائح
2 راس ثوم (او
حسب الرغبة)
نص كوباية خل
5 فلفل رومي
5 فلفل حامي
اخضر (حسب الرغبة)
5 فلفل حامي
احمر (حسب رغبة)
6 معالق زيت
زيتون
6 معالق زيت
عادي
4 رغيف عيش بلدي
او شامي
ملح
فلفل اسود
كمون
كزبرة ناشفة
الطريقة:
هنقطع كيلو كبدة شرايح مكعبات حسب الرغبة
و بعدين نجيب طاسة نسخنها كويس
ننزل فيها ملعقة زيت زيتون وملعقة زيت عادي
وبعدين ننزل الكبدة تتشوح
نرش عليها رشة ملح وفلفل اسود لحد ما تاخد لون وبعد كدة نشيلها
ننزل الفلفل ونشوحه لحد ما يدبل خالص وبعدين نرجع الكبدة عليه
نرش رشة من ملح وفلفل اسود
نشوحهم مع بعض دقيقتين ونشيلهم على جنب
نجيب طاسة نحط فيها ملعقة زيت عادي على ملعقة زيت زيتون
ننزل بالثوم المهروس في الهون مع ملعقة كبيرة ملح ونص ملعقة صغيرة كمون، ونص ملعقة صغيرة كسبرة ناشفة
نشوح في الثوم لحد ما يبقي لونه ذهبي كدة
ننزل عليه بنص كوباية من الخل
نحط نص الطشة علي كبدة، والنص التاني نشيله على جنب
نقطع العيش البلدي مكعبات ونحط زيت زيتون بسيط زي ما هيظهر في الفيديو
عليه رشة من بصل بودر، ثوم بودر، وبابريكا، وندخله فرن يتحمر وبعدين نرص
اللوحة الفنية بتاعتنا وبعدين نحط النص التاني.
