الحاج محمود حواوشي.. قصة الراجل اللي اخترع «رغيف تحبيشة اللحمة».. الحكاية بدأت في العتبة سنة 1930

  ماكنش حد من المصريين يعرف عن الأكلة حاجة من 90 سنة، لحد ما قرر الحاج محمود الحواوشي يخترع لطلاب المدارس سندوتش لحمة على قد الأيد، ومن هنا بدأت قصة أكلة المصريين الحرشة، وهي الحواوشي إللي كتير مننا مايعرفش صاحب الاختراع ومايعرفش إن الحواوشي اتسمي على اسمه..

 بدأت الحكاية في حي العتبة سنة 1930، لما كان الحاج مصطفى أنور الحواوشي، بيعمل لنفسه أكله بسيطة رخيصة من بواقي اللحمة حط تحبيشته السرية جوه رغيف مع البصل، عشان يطلع أول رغيف حواوشي في مصر، ولما دخل عليه أتنين من صحابه وشافوا عمايل أيد الحاج طلبوا يجربوا ووقعوا في حب رغيف الحواوشي، إللي بسرعه انتشرت وبقيت اكلة كل ولاد الحي خصوصًا التلامذة أصل الحاج مصطفى كان بيعمل الرغيف بأقل من شقة فول .. ولما انتشرت توليفة عم مصطفي الناس قرروا يسموها رغيف حواوشي…

وعشان احنا شعب بيحب الاختراعات، وبنحب نعمل خلطات جديدة على الأكل اللي بتحبه،  حشينا رغيف الحواوشي حاجات كتير ولما نتكلم عن الاختراعات لأزم نذكر حواوشي الرفاعي أبو الأختراعات في مصر، رغم أن شعار الرفاعي هو "مش أي حاجة تتحط في رغيف"، إلا أنه حط كل أنواع الحشوات جواه رغيف الحواوشي،
عم رفاعي ملك الاختراعات عنوانه مايتوهش انزل عابدين وألف من يدلك...

وعم رفاعي بيعمل كل مكسات الحواوشي إللي هاتحبها من أول قطمة من حواوشي اللحمة العادي عندك حواوشي السجق وحواوشي الميكس لحمة وسجق وممكن تحط عليه جبنه، وزتون وفلفل وعندهم اختراع اسمه حواوشي وش بيتزا مش محتاج تفسير لازم تدوق بنفسك، وماحدش يعرف لحد دلوقتي أي سر خلطة الرفاعي.