إيه الفرق بين المكرونة بالكبدة وأي مكرونة تانية؟.. السر عند الشيف أميرة شنب

ساعات بنحب نعمل أكلة سهلة وسريعة ومتاخدش وقت وفي نفس الوقت طعمها لذيذ ومفيدة وفيها عناصر غذائية مختلفة، علشان كده food today رشحت لكم أكلة سريعة ولذيذة وهي مكرونة بالكبدة من مطبخ أميرة شنب.

قدمت الشيف "أميرة شنب" في برنامجها أميرة في المطبخ على قناة سي بي سي سفرة طريقة عمل مكرونة بالكبدة.

المكونات:
- كبد وكلاوي وقلوب شرائح.
- مكرونة فرن أو مقصوصة مسلوقة.
- ثوم صحيح.
- بصل جوليان.
- فلفل أخضر جوليان.
- فلفل أحمر حار.
- طماطم جوليان.
- ملح وفلفل أسود.
- حبهان.
- ورق لورا.
- مستكة.
- قرفة.
- زيت.

طريقة عمل مكرونة بالكبدة:
- ضعي على النار في طاسة بها زيت بصل والثوم (صحيح أو مفروم) مع الحبهان واللورا والمستكة ورشة القرفة وملح وفلفل أسود.
- ثم ضعي القلوب والكلاوي قبل وضع الكبدة وضعي الفلفل الحار واتركيهم (يتشوحوا شوية).
- بعد التشويحة ضعي الكبدة حتى تنضج معهم، ثم ضعي فلفل أخضر وطماطم وقلبيهم واتركيهم ينضجوا قليلاً.
- في طبق التقديم ضعي المكرونة المسلوقة ثم ضعي الكبدة عليها وفوقها القليل من الخضرة.
وبس كده.. بالهنا والشفا.