«هناكل ايه النهاردة».. سؤال «ست الكل» اللي محير الناس كلها

هناكل ايه النهاردة؟!.. سؤال دائم تردده ربات البيوت يومياً على مسامع الأسرة، دون إجابة، FOOD TO DAY دخل البيوت، وسئل العائلات من بيجاوب على هذا السؤال، وأجمع الكل على أنه سؤال سهل، لكنه محير وصعب ولا أحد يستطيع الإجابة عليه بشكل مُرضي.

أمي بتعاقبنا وبطلت تسأل

تقول ماري: "ده أصعب سؤال ممكن يتسأل في بيتنا، ودايمًا بيحصل بعدها خناقة من ماما، بعدها تفضل تتعصب وتزعق، وتعمل أكل مش بنحبه كعقاب ل، وتكمل: بابا مؤخرًا، بقي يجاوب على السؤال ده، وطبعًا كلها إجابات غير مرضية، ولكنه تعلم أن يكون صبور معاها، وأعطاها خيارات كثيرة.

المشكلة في البيت والشغل

أما أسامة يعاني من مشكلة حقيقية بسبب هذا السؤال، ويصفه  بالمستفز حيث يتعرض له في البيت وبين زملاء العمل أيضَا، ويقول: "السؤال ده ملل جدا، ومستفز لأنه مالوش إجابة ومش بيتسأل في البيت بس، كمان في الشغل بسمع نفس السؤال، رغم أننا في العادي بناكل نفس الأكل كل يوم، محدش بيجاوب على السؤال الصعب ده، وفي الأخر بناكل فول وطعمية".

جدول لأصناف الطعام هو الحل

أما أروى فتتبع بعض الحيل مع أسرتها للتغلب على هذه الحيرة، ولا تضطر لطرح هذا السؤال على أسرتها لتفادي الحيرة، وتقول: أنا بريح دماغي وبعمل جدول شهري للطعام، فلا أضطر لسؤال أحد أفراد أسرتي، لأن عن طرح السؤال تأتي الأجابات مبهمة وغير محدده. 

ولعائلة نادية، طقوسها الخاصة في اختيار الأصناف التي تطبخ في البيت وتقول: أمي ست منظمة جدا، بسبب المشكلة اللي بتقابلنا كل يوم بسبب سؤال هناكل ايه النهاردة، قررت أن تكفل كل شخص من أفراد العائلة المكونة من 4 أشخاص، بوضع قائمة من الأصناف التي يريد تناولها، على أن تكون قائمة طعام أسبوع، وكذلك تكون متنوعة فلا تتشابة أي من القوائم الأربع وبذلك لا تجد مشكلة في اختيار أصناف.


سيدة تعد الطعام لأسرتها

مائدة طعام متنوعة الوجبات

جمع أسري أتفق على مائدة واحدة