20 نصيحة لنجاح «الدايت».. «لازم تنفذها بسرعة»

لو عاوز تخس بطريقة سليمة وصحية، نوفر لكم بعض المعلومات المهمة من خلال "Food Today"، فالأمر لا يتعلق فقط بنظام غذائي وبدني مؤقت، لأنها نتائجه بالتالي ستكون مؤقتة، وفي السطور التالية نوضح لكم رأي  أحمد عبدالله، أخصائي التغذية ومدرب اللياقة البدنية، عوامل يجب معرفتها قبل بداية الدايت الذي يجب أن يتحول إلى أسلوب حياة، وفق وصفه.

20 نصيحة للحصول على نتائج مثالية خلال الدايت

1- ممارسة الرياضة شرط أساسية وما فيش أعذار.
٢- نظامك الغذائي يجب أن يحتوي على "كربوهيدرات - بروتين – دهون".
٣- دايت من غير رياضة يعني ترهل، كمان مرة دايت من غير رياضة يعني ترهل.

٤- الدايت ما هو إلا أكل مطهي بطريقة صحية.

النوم 8 ساعات

٥- النوم 8 ساعات بيخلي الهرمونات في حالة استقرار أفضل.
٦- مفيش حاجة اسمها أكل فيه سعرات سالبة، كل الأكل حتى الماء فيها سعرات لكن بنسب.
٧- مفيش أي نوع دايت للحوامل إلا باستشارة الطبيب المتخصص.
٨ - يوجد أطعمة ومشروبات تساعد على الحرق مثل التوابل، القرفة، الليمون، الزنجبيل، والقهوة، والشاي الأخضر.
٩- في ناس بتخس من مناطق قبل مناطق ده جينات وراثية لو اتشقلبت مش هتقدر تغيرها.
١٠- عاوز تعلي الحرق، اشرب مياه أول ما تصحي من النوم واشرب مياه كتير خلال اليوم.
١١ - المكملات الغذائية مش بتعمل عقم ومكملات الرجالة هي هي مكملات السيدات.
١٢- الكارديو مفيد لصحة القلب قبل ما يكون مفيد لحرق مزيد السعرات الحرارية وبالتالي حرق دهون.

نصائح لنجاح الدايت

١٣ - التمرين أساسي لتظبيط الجسم وتحسين القوام وحرق أكبر قدر من الدهون لازم تمرن كل عضلاتك. 
١٤-  التوتر بيزود دهون البطن.
١٥-  ينفع تلعب تمارين بطن كل يوم باختلاف شدة التدريب.
١٦-  مفيش حرق دهون هيخسرك وزن إلا بالأكل الصحي أولاً؛ لأنها عامل مساعد.

١٧-  الجيم مش هيعمل للبنات عضلات زي الرجالة بس هيقسم جسمك ويفصل كل جزء فيه ويخلي فيه تحديد.
١٨-  مفيش أي حد ياكل وجبة في نص التمرين أو عصير، المياه بس اللي تكون وسط التمرين.
١٩-  مش هتخس وأنت نفسيتك سيئة.
٢٠- مفيش حاجة اسمها دايت وقت وهيعدي ده هيبقي أسلوب حياتك.