البغل والمجنون والجحش وزيزو نتانة.. أغرب أسماء مطاعم في مصر

"ولا نروح عند زيزو نتانة، عنده شوية ساندوتشات مهلبية إيه.. عجب" جملة قالها الفنان عادل إمام سبب شهرة أحد المطاعم، ومن السهل تجد أشياء غريبة وغير منطقية كعادة يومية نستخدمها، لم يعد يوجد ما نتفاجأ أو نستغرب منه، ولدينا اختيارات عشوائية وصلت لاختيار أسماء المحلات والمطاعم، ومن أحد وأغرب هذه المطاعم التي توصلت إلي شهرة كبيرة.

البغل

سلسلة محلات فول وطعمية في مصر، بدأ بمحل صغير في المحلة، وتوسع وافتتح عده من الفروع والمحلات في مناطق مختلفة في المحلة، حتي وصل للعاصمة وللمنصورة، ثم وصل لحدود خارج مصر إلي أن وصل السعودية.

والحقيقة فإن له قصة كفاح في 100 سنة، لكن الاسم الغريب كان هو اللي له النصيب في الشهرة، من كتر ما هو غريب، بس مديره سلسلة محلات البغل، قالت "إن سبب شهرة المحل وجودته هو إنهم بيعتمدوا على الفول المصري مش المستورد، رغم ندرة وجوده، لكنهم أصروا على الاستمرار في ده لإن حلاوة الفول البلدي المصري هي سر الإقبال الشديد على المطعم".

وكان الاسم الغريب للمطعم هو لقب العائلة، اللي بدأت سلسلة المحلات من محل فول وطعمية صغير في المحلة، واختاروا إن المحل يشيل نفس لقب العائلة.

المجنون بمزاجه

محل كشري اسمه “المجنون”، الذي نجح في لفت الانتباه، بطريقة واسعة، وهو موجود على أرض الواقع مش مجرد مزحة إلكترونية، ويقع بشارع ترعة عبدالعال، صفط اللبن، بولاق الدكرور.

الجحش

في قلب السيدة زينب، من أكتر من 65 سنة، ابتدت عربية فول واشتهرت لحد ما ربنا كرمهم والعربية بقت محل فول وطعمية، وأخد شهرة كبيرة، وبقوا الفنانين من زوار المطعم. "الجحش" كمان باسم لقب عائلة مؤسسيه، وأكد شيف في الجحش، "مالناش فروع في حتة تانية، والعربية موجودة كانت وش الخير علينا".

زيزو نتانة

لم يمزح الفنان عادل إمام عندما اقترح على اولاده يذهبوا للأكل عند زيزو نتانة، في مطعم فعلا اسمه كده، وهذا ليس مجرد دعابة من وحي خيال الزعيم، عربية كبدة وصاحبها "عبد العزيز حمزة"، سماها على اسم الشهرة "زيزو"، لكن دعابة الزعيم هو سبب اللقب ده، وأصبحت سبب زيادة شهرة عربية الكبدة نفسها، حتي أصبحت مطعم كبير، وعندهم ستجد "سندوتشات عجب" زي ما قال الفنان عادل إمام.

جريمة أكل

من الغريب تسمية أحد المطاعم باسم جريمة أكل، لكن استغل صاحب المحل هذا الاسم على نطاق أوسع وسمى المطعم “جريمة أكل” وواخد الموضوع بجد، وبيقول لك الأكل للجدعان، وبيحسسك إنك داحل خناقة مش داخل تاكل سندوتشين عادي وتتكل على الله.

المطعم بيعمل جرائم زي الحواوشي والكبدة والسجق، وموجود في أول مكرم عبيد في مدينة نصر.

مطعم البغل

مطعم جريمة أكل