عامل كيتو دايت وعايز تأكل حواوشي؟ Food Today هيقولك إزاي تعمل الحواوشي بطريقة سهلة وصحية تناسب هذا النظام الخاص بإنقاص الوزن، لأن الدايت مش حرمان، ولو كان حرمان عمرنا ما كنا هنكمل فيه ونوصل لهدفنا، علشان كدا هنقولك إزاي تعمله في البيت بطريقة سهلة ولذيذة.
مدة التحضير: 40 دقيقة
تكفي: 3 أفراد
مقادير العجينة
3 حبات بيض مخفوق.
1 كوب جبنة كريمي.
1 ملعقة صغيرة بيكنج بودر.
رشة ملح.
مقادير الحواوشي
2 ملعقة كبيرة زيت زيتون.
1 ملعقة صغيرة ملح.
1 حبة بصل مفروم.
نصف كيلو لحمة مفرومة.
ربع ملعقة صغيرة فلفل أسود.
رشة قرفة مطحونة.
رشة زنجبيل مطحون.
1 ملعقة صغيرة كمون.
1 ملعقة صغيرة كزبرة.
طريقة التحضير
1- نضع الزيت والبصل في وعاء واحد.
2- نقلب البصل عدة مرات، حتى يذبل ويأخذ اللون الأصفر.
3- نضيف الملح واللحمة المفرومة، ونقلب المزيج جيداً.
4- نسكب كلا من الفلفل الأسود، والقرفة، والزنجبيل، والكمون والكزبرة في وعاء اللحمة المفرومة.
5- نقلب المكونات عدة مرات، ونترك اللحمة المفرومة تنضج على نار هادئة.
6- نفصل بياض البيض عن الصفار.
7- نخفق بياض البيض ونضعه في وعاء جانبي.
8- نخلط صفار البيض مع الجبنة الكريمي، والملح، والبيكنج بودر.
9- نضيف بياض البيض بشكل تدريجي إلى المزيج السابق.
10- نحضر مقلاة واسعة على النار ونضع فيها ملعقة كبيرة من الخليط السابق.
11- ننتظر 3 دقائق، ثم نضع ملعقة كبيرة من اللحمة المفرومة في العجينة.
12- نبرم العجينة على شكل أسطواني.
13- نوطيء النار ونترك الحواوشي ينضج على نار هادئة.
14- نكرر نفس الخطوة السابقة مع باقي كمية العجين والحشوة.
15- يقدم الحواوشي ساخناً بألف هنا وشفا.
