فصل الصيف يعني آيس كريم و عصاير ساقعه فريش و انهارده جبتلكم وصفه آيس كريم فانيليا وشوكليت فالبيت اتمنى تنال أعجابكم
المقادير :
- تلاته كوب لبن ساقع.
- اتنين كوب بودره كريم شانتيه خام انا استخدمت المتحده.
- نص كوب بودره آيس كريم فانيليا
او يمكن استبدالها بنص كوب بودره باستيري كريم.
- معلقه صغيره اسانس حليب.
- ٣معالق كبار سكر ابيض عادي أو بودره.
- معلقه كبيره لبن بودره.
- ٢ معلقه اسبريد نوتيلا أو جناش الشيكولاته
ممكن نعمل الكميه كلها فانيلا بس ونستغني عن النوتيلا خاالص.
- اتنين معلقه كبيره سكر ابيض.
- اتنين باكيت فانيليا.
الطريقه :
في طبق عميق هنضيف اللبن والسكر بودره الكريم شانتيه والايس كريم والباستري كريم واسانس الحليب واللبن البودره ونقوم بالضرب بالمضرب اليدوي ثم نقسمهم في طبقيين جزء منه هنضيف عليه معلقتين الاسبريد بديل النوتيلا أو جناش الشيكولاته.
والجزء الاخر هنضيف عليه باكيت الفانيليا لتعزيز طعم الفانيليا في الوصفه.
نشترى بسكويتات الآيس كريم من محل مستلزمات الحلواني ونغلفها بالشكولاته الخام سواء ساده او بالحليب اللي تفضلوه ونتركها في الثلاجه تتماسك ثم نلف عليها ورق فاكيوم أو ورق الزبده أو الفويل من ثم
نملي كل البسكونات وهعملهم شكل ماربيل خليط شوكليت وفانيليا ونتركهم في الثلاجه اقل شئ تلات ساعات ونفكها ونقدمها
بالف هنا وشفا
..
